الزمن القاسي

[سيوف العـز]

مساء الورد ياحلوين
انشالله تكونو بخير يارب
هذي القصيده تعبر عن مافي القلب
وانشالله راح تعجبكم

عرفت أن الزمن قاسي وعزي من مأساته
أبي أبعد عن الاحزان ولاكن مالقيت دروب
أنا حظي تعيس كل ماينهض معاناته
يدور الوقت ينكس به فلا كاسب ولا مكسوب
مشيت بدرب كله شوك وأبي أخر نهاياته
أنا مدري وش اللي صار يمشي لي على المقلوب
ولاحصلت بالدنيا فرح يوم ساعاته
شقيت بدنيتي عاشق أدور لي على محبوب
أخاف الحب يرميني على حزنه وأِهاناته
وخايف لو تقول الناس مزعل شق مخبا الثوب
وأنا ماني بناقص هرج جاب غلطاته
أحاول استر الدمعه ولاطالب ولامطلوب
على شان العرب تدري الشمري له شهاداته
ولاتحكي عواذل سب ولا تبعد خطات أقلوب
أنا مهما وصل همي ومهما طال حسراته
أببقى بالزمن قاسي وأحسبله الآف أحسوب
ألين الله يفرجها ويرمي كل عثراته
ونمشي بالزمن عشاق نعاتب واحد(ن) عاتوب
تعبنا نشكي الغربه تعبنا في محطاته
تعبنا نكتب الاحزان ونركب في هواه أركوب
أسير ودمعته تحرق جفون العين بأصواته
وحكي الناس مايرحم ولايستر عليك الثوب
وكنك عاري تمشي ولا تدري بخطواته
كلام الناس مايخليك يشمت بك ولو حبوب
أنا خايف من الاجناس تاصلني بشتماته
خبث في تنقال هرج وساعي في شبوب أحروب
يحط الهرج من عنده ولو مادست خطواته
يبي كل العرب مثله تشيع في خطاك أذنوب
أنا مابي كلام العفن تأخذني دعاياته
ولاهمن ولو سولف وكثر بالكلام أكذوب
أحطه نعل في رجلي وهاذي هي أِهاناته
ولايشكل على بالي سفيهن ناقص مسبوب
أصد عن الكلام اللي ينقصني بشاعاته
وأنا ماني من اللي في عروض الناس حط جيوب
أنا لامن شكيت الهم أخفي كل سكتاته
أخليها بقلبي دوم مايلعب علي لاعوب
مشيت الحب مع خلن يوريني بقسواته
أنا أحبه أنا غيره فلا لي بالبشر مطلوب
جماله فوق كل البيض تغطيهن بنظراته
عفيف مايدوس العيب ولا حطو عليه أعيوب
أمانه ياحبيب الروح لاتنسى هواياته
شكيت الويل من عقبك وأنا في حبكم مصيوب
أصير بحبكم ضايع وتايه في متاهاته
وعنك أسال نجوم الليل تجاوبني ترى مخطوب
وأقول من القهر قله الشمري باع هقواته
وقله يا () يشتكي من حبك المطلوب
أمانه قلها مزعل يبلغ لك تحياته
حفظت الحب يا( النونو ) بقلبي والغلا مكتوب
وأمانه لو تزوجتي وأخذتي صوني أسكاته
أمانه لاتناسيني ولو طال العمر محبوب
أنا وشلون أبنسا اللي ملك قلبي بلوعاته
ترجيته وترجيته أبي منه الوصل بغروب
حسايف بعد مامرت سنين في مراجاته
أخذها الوقت من عندي وأنا في حبها مسلوب
تأثرت وبدا جرحي يزود وعشت بسكاته
وخفيت الجروح اللي نزيفه صار لي عذروب


الشاعر.. مزعل الشمــــري